اسنويت بالبلدى

اسنويت بالبلدى
كان يامكان ومايحلى الكلام الا بذكر النبى عليه الصلاه والسلام
يحكى انه فى احد البلاد البعيدة وبالتحديد فى السيدة زينب تزوج الحج احمد من الست نبويه وبصراحه الحج احمد كان بيحبها اوى اصلها كانت بيضه وعسول وتتحب
المهم بعد سنه جابو بنت زى القمر وسموها جميله لكن للاسف ام البنت دى ماتت وهى بتولدها
فالحج احمد كان وحيد ياعينى فكر يتجوز تانى اتجوز الست نحمده الى كان عندها مرايه ستها المسحوره
كانت نحمده كل يوم تقف قدام المراية وتقولها يا مرايتى يا مرايتى مين اجمل واحدة فى السيدة ..... ترد عليها المراية وتقولها انتى يا نونى ( دلع نحمده ) انتى اجمل واحدة فى السيدة :king:
المهم كبرت جميله واحلوت ...........
وفى يوم من الايام وقفت نحمده كالمعتاد ادام مرايتها وسالتها السؤال المعتاد لكن المفجاه :affraid: ردت المرايه عليها وقالتلها ان جميله هى اجمل واحده فى السيده ست نبويه اتجننت ازاى ده
وطبعا جميله كانت لازم تموت عشان تفضل هى اجمل واحده فى السيده
فكرت نحمده ومالقتش غير الواد حنكش صبى الميكانيكى عشان ينفذ فكرتها الشريرة
المهم بعد ما الواد حنكش اخدله خمستين وافق يقوم بالمهمة
وفى يوم من الايام كانت جميله فى السوق بتشترى الخضار طب عليها حنكش وفى ايده سكينه وطبعا استغاثت بالناس الى فى السوق بس مين هاينقذها ياعينى ده حنكش والاجر على الله لكن دموعها رققت قلبه وصعبت عليه قالها اهربى مرات ابوكى هى الى اجرتنى وحكالها على كل حاجه هربت جميله من هنا لهنا لحد ماوصلت لبيت قديم طلعت فوق سطوحه لقيت عشة صغيرة مش باين ان فيها حد وكانت مقلوبة راسا على عقب ( يعنى من فوقها لتحتها )
وطبعا جميله ست بيت شاطره نضفت العشه وخليتها 10/10
المهم كان فى العشه 7حصاير صغيرين فردتهم جميله جمب بعض ونامت عليهم شويه كده ودخل عليها 7 اشخاص صغيرين هاتقولى مين هما هاقولك طبعا الاقظام يعنى هايكون مين غيرهم دخلوا لاقوا جميله
نايمة فى عشتهم وطبعا زى ماكلنا قرينا فى القصة القديمة هما ناس قصيرين وطيبين راحوا وافقوا واهو بالمره تخدمهم وده لانهم قلبهم طيب ومش بتوع مصلحتهم
ومرت الايام عادى لحد مافى يوم من الايام وقفت نحمده ادام المرايه وسالتها السؤال اياه وطبعا عرفت من اجابة المراية ان الواد حنكش ضحك عليها وان بياض ما ممتش
المهم قامت فتحت السلطانية المسحورة وعرفت مكان جميله
اتنكرت وعملت نفسها ست عجوزه وغلبانه وراحت لجميله عشان تشترى منها التفاح وطبعا لان جميله رقيقه وقلبها طيب حنت على الست الغلبانه واشترت منها التفاح المسحور قامت التفحايه وقفت فى زورها ووقعت على الارض مغم عليها ووصل الاقزام ال7 الى البيت ولما لاقوها كده اخدوها القصر العينى وطبعا ما حدش عرف يعملها حاجة قاموا رجعوها البيت وفضلوا قاعدين جنبها مش عارفين يعملولها حاجة ولغايه دلوقت لسه جميله نايمة وما صحتش
وذكر فى الاثر ان اللى حيصحيها فارس
وعشان كده اكيد مش حتصحى .....
اظن مفهوم ليه
على العموم اللى يعرف حد لحالتها يبعتلى
يمكن تفوق..........
يمكن..........