عشنا وشوفنا

[i]عشنا وشوفنا
عشنا وشوفنا ولاد الريف
يقفوا طابور من اجل رغيف
واحنا فى ارض النيل والخضره
اوعى تقول دا كلام تخاريف
كل مانمشى نشوف طوابير
حاجه تخلى العقل يطير
عايشين دايما وسط الزحمه
شايلين هم وحمل كبير
كان الفرن البلدى فى بيتنا
ناكل منه يفيد معدتنا
فجاهوجاناالفرن الالى
شوفنا ماسى وقلقوا راحتنا
كان فلاحنا المصرى زمان
يزرع قمح فى كل مكان
يجنى ويحصد خيره بايده
والناس عايشه فى خير وامان
امتى يرجع تانى ويطلع
ويروح ارض الصحرا يصلح
يزرع ارضه بدمه وعرقه
ونشوف بكرا الرمل مفتح

sara elmasry